نێرۆنى شێت، رۆمى سووتاند

ساڵ لەمەوبەر، لە رۆژى ١٩ى تەممووزى ساڵى ٦٤ى زایینى، لەسەر فەرمانى نێرۆن قەڕاڵى دێوانەى رۆم، ئەمشارە ئاگرى تێبەردرا و بە تەواوى سووتا. نێرۆنى شێت، دەیویست بەم گڕتێبەردانە، هەم رێگە بۆ دروستکردنى کۆشکێکى نوێ بۆخۆى خۆش بکات و هەم بە تۆمەتبارکردنى مەسیحییەکان، دەرفەتێک بڕەخسێنێت، بۆ ئەوەى کۆمەڵکوژیان بکات.
کردارى ئاگرتێبەردانەکە، بە دزى جێبەجێ کرا و ئاگرەکە لە دوکانێکى نزیک سیرکى ماکسیمووس، لە داوێنى گردى پالاتینۆ دەستى پێکرد. کۆشکى نێرۆن لەسە رگردەکە بوو. ئەوکاتە ژمارەى دانیشتووانى رۆم، نزیکەى ٨٠٠ هەزار کەس بوو و لەسەر روویەرێکى ١٣ کیلۆمەترى چوارگۆشە، دەژیان.
لەم سووتمانەدا، بەشى هەرە زۆرى شارى رۆم سووتاو هەزاران کەس لە دانیشتووانى شار، گیانى خۆیان لەدەست دا.
دەڵێن: لە کاتى سووتمانەکە، نێرۆن چووبوو بۆ سەیران و کە ئاگرەکە دەستیپێکرد، یەکسەر گەڕایەوە ناو کۆشکەکەى و لەوێوە سەیرى ئاگرگرتنەکەى رۆماى دەکرد و لە خۆشییان گۆرانیی دەگوت. کە ئاگرەکە لە کۆشکى نێرۆن نزیک بۆوە، ئەوجا ئەویش ئەوێی بەجێ هێشت.
دوواى تەواوبوونى سووتمان، نێرۆن فەرمانیدا، کۆشکێکى نوێیان بۆ ئاوا کرد و هەزاران مەسیحى بە تۆمەنى ئاگرنانەوەکە، کوژران، کە هەندێک لە حەوارییەکانى مەسیح لەوانە سێن پییێر و سێن پۆلیش لەناو ئەو کوژراوانە بوون.
نێرۆن لە ساڵى ٦٨ى زایینى، دوواى ئەوەى یەکێک لە سەرکردەکانى بە ناوى گالبا، لە دژى راپەڕی و خۆى کردە قەڕاڵ، لە تووڕەیی خۆى کوشت.