ئامارێکى ئینتەرنێتى لە ساڵى ٢٠٠٩

[right]رۆژنامەى (یوو ئێس ئەى توودێی) ئامارێکى لە سەر چۆنیەتى بەکارهاتنى تۆڕى ئینتەرنێت لە ساڵى ٢٠٠٩ بڵاو کردووەتەوە. ئەمانەى خوارەوە سەرنجڕاکێشن:
ژمارەى بەکارهێنەرانى ئینتەرنێت لە ساڵى رابردوو زیاتر لە ملیاردێک و ٤٠٠ ملیۆن کەس بووە، کە ٧٣٨ ملیۆنیان خەڵکى ئاسیا، ٤١٨ ملیۆن خەڵکى ئەورووپا، ٢٥٢ ملیۆن خەڵکى ئامریکاى باکوور، ١٧٩ ملیۆن خەڵکى ئامریکاى لاتین، ٦٧ ملیۆن خەڵکى ئافریقا، ٦٧ ملیۆن و ٣٧١ هەزارو ٧٠٠ کەس خەڵکى رۆژهەڵاتى ناوەڕاست، ٣٠ ملیۆن کەس خەڵکى ئوستوڕالیا بووینە.
بەپێی ئەم راپۆرتە، ١٢٦ ملیۆن وێبلاگ لە ئینتەر هەبووە، کە لەسەدا ٨٤ یان وێبسایتى تۆڕە کۆمەڵایەتییەکان بووینە و ژمارەى وێبلاگى ئافرەتان لە هى پیاوان زیاتر بووە.
هەروەها لە ساڵى رابردوو، مانگانە دو ملیاردو ٥٠٠ ملیۆن وێنە ئاپلۆد کراوەو لە رێگەى فەیسبووک، ٣٠ ملیارد وێنە دەستاودەست کراوە. بەپێی ئامارەکان، لە ساڵى رابردوو، رۆژانە یەک ملیارد ڤیدیۆ لە رێگەى یووتووب خراوەتە روو، لە ئامریکاش، مانگانە ١٢ ملیارد و ٢٠٠ ملیۆن ڤیدیۆ سەیر کراوە.
لە ساڵى رابردوو، زیاتر لە ٩٠ تڕیلیۆن ئیمەیل رەوانە کراوە، کە لەسەدا هەشتاى ئەم ئیمەیلانە، سپام(Spam) بووینە و رۆژانە ٢٠٠ ملیارد سپام لە ئینتەرنێت بڵاو دەکرێتەوە.