Medicine
بکه‌ بۆ چونه‌ ژوره‌وه‌ Log in ئه‌گه‌ر ئه‌ندامیت ئه‌وا کلیک له‌

بکه‌یت Register بۆ ئه‌وه‌ی ببیت به‌ ئه‌ندام به‌شداری له‌ مه‌کۆدا بکه‌یت پێویسته‌ کلیک له‌

Do not display again بۆ لابردنی ئه‌م بۆکسه‌ کلیک بکه‌ له‌
Log in

I forgot my password

November 2017
SunMonTueWedThuFriSat
   1234
567891011
12131415161718
19202122232425
2627282930  

Calendar Calendar

Who is online?
In total there is 1 user online :: 0 Registered, 0 Hidden and 1 Guest

None

[ View the whole list ]


Most users ever online was 11 on Tue Jul 23, 2013 9:16 am
Kurd-Medicine
Upload your files here
:فایله‌کانت لێره‌ به‌رز بکه‌ره‌وه‌

ئه‌وکاته‌ى سه‌رکرده‌یه‌ک ده‌گریێت

View previous topic View next topic Go down

ئه‌وکاته‌ى سه‌رکرده‌یه‌ک ده‌گریێت

Post  Renas on Tue Jul 27, 2010 4:06 am

ده‌گێڕنه‌وه‌, که‌ بۆ یه‌که‌مجار له‌ ئێران, له‌ ساڵى ١٨٤٨ له‌ سه‌رده‌مى پاشایه‌تى ناسره‌ددین شاى قاجارو به‌ فه‌رمانى ئه‌میرکه‌بیرى سه‌رۆک وه‌زیرانى ئه‌وکات, کارى کوتانى منداڵان له‌ دژى نه‌خۆشى خوریکه‌ ده‌ستى پێکرد، پێداویستییه‌کانى کوتان, به‌ ته‌واى ئاماده‌کرابوون و شاره‌زای باشیش راهێندرابوون، بۆ ئه‌وه‌ى زۆر خێرا، سه‌ره‌تا هه‌موو منداڵانى تارانى ئه‌وکات و پاشان هه‌موو شارو شارۆچکه‌کانى ترى وڵاتى ئێران، بکوترێن.
دوواى چه‌ند رۆژ، خه‌به‌ریان دایه‌ ئه‌میرکه‌بیر، که‌ خه‌ڵک پێشوازى له‌ پڕۆسه‌ى کوتان ناکه‌ن و ته‌نانه‌ت منداڵه‌کانى خۆیان ده‌شارنه‌وه‌و نایێڵن بکوترێن. هۆیه‌که‌شى ئه‌وه‌یه‌، که‌ کۆمه‌ڵێک مه‌لاو فاڵچى و ریش سپى و ...هتد، به‌ خه‌ڵکیان راگه‌یاندووه‌، که‌ هه‌ر منداڵێک ئه‌و واکسینه‌ى بچێته‌ ناو له‌شه‌وه‌، ئه‌وه‌ یه‌کسه‌ر جنۆکه‌ش خۆى ده‌خاته‌ ناوله‌شى و شێت ده‌بێت و ئیتر به‌ هیچ شێوه‌یه‌ک چاک نابێته‌وه‌.
ئه‌میرکه‌بیر، بڕیاریدا هه‌رکه‌س سه‌رپێچى بکات و منداڵه‌که‌ى نه‌کوتێت، ئه‌وه‌ ده‌بێت (٥) تومه‌ن سزا بدرێت. به‌ڵام ئه‌م بڕیاره‌ش چاره‌ى کارى نه‌کردو ئه‌وانه‌ى ده‌وڵه‌مه‌ند بوون، پاره‌که‌یان ده‌داو ئه‌وانه‌ش که‌ هه‌ژار بوون، هه‌ر نکۆڵییان له‌وه‌ ده‌کرده‌وه‌، که‌ منداڵیان هه‌بێت.
سه‌ره‌ڕای هه‌وڵی زۆری ئه‌میر كه‌بیر، خه‌ڵكێكی زۆر، به‌ جۆره‌ها شێواز، سه‌رپێچییان كرد و كاره‌كه‌ به‌ ته‌واوی به‌ڕێوه‌ نه‌ده‌چوو. رۆژێك پینه‌چییه‌كیان هێنایه‌ لای ئه‌میر، كه‌ منداڵه‌كه‌ی به‌هۆی خوریكه‌ گیانی له‌ ده‌ست دابوو. ئه‌میر سه‌یری ته‌رمی منداڵه‌كه‌ی كرد و وتی: ئێمه‌ كه‌ بۆ رزگاربوونی منداڵه‌كانتان، دكتۆرمان نارد؟ پیره‌مێرده‌كه‌ به‌ خه‌مه‌وه‌ وڵامی دایه‌وه‌: جه‌نابی ئه‌میر، به‌ منیان وتبوو، كه‌ ئه‌گه‌ر منداڵه‌كه‌ت بكوتی، جنۆكه‌ ده‌چێته‌ ناو له‌شی. ئه‌میر هاواری كرد: وای له‌ نه‌زانی. ئێستا جگه‌ له‌وه‌ی منداڵه‌كه‌ت له‌ كیس چووه‌، ده‌بێت پێنج تومه‌نیش باجی سزاكه‌ی بده‌ی. پیره‌مێرد پاڕایه‌وه‌و وتی هیچم نییه‌. ئه‌میر كه‌بیر ده‌ستی كرده‌ گیرفانی و پێنج تومه‌نی پێداو وتی: بڕیار هه‌ڵناوه‌شێته‌وه‌، بگره‌ ئه‌و پێنج تومه‌نه‌، بخه‌ره‌ ناو سندووقی ده‌وڵه‌ت.
دووای چه‌ند خوله‌كێك، دووكاندارێكیان هێنا، كه‌ ئه‌ویش منداڵه‌كه‌ی به‌هۆی خوریكه‌ مردبوو. ئه‌مجاره‌یان، ئه‌میر نه‌یتوانی خۆی رابگرێت و له‌سه‌ر كورسییه‌ك دانیشت و ده‌ستی كرده‌ گریان....
هه‌ر ئه‌وكاته‌، میرزا ئاقاخان(كاربه‌ده‌ستێكی كابینه‌ی ئه‌وكات) به‌ژوور كه‌وت. ناوبراو زۆر كه‌م ئه‌میركه‌بیری له‌ كاتی گریان بینی بوو. هۆیه‌كه‌ی پرسی. خزمه‌تكاره‌كان، بۆیان گێڕایه‌وه‌، كه‌ دوو منداڵی بچووكی پینه‌دۆز و دووكاندار، به‌هۆی خوریكه‌ گیانیان له‌ ده‌ست داوه‌. میرزا ئاقا خان، به‌ سه‌رسووڕمانه‌وه‌ وتی: زۆر سه‌یره‌، من وامزانی كه‌ میرزا ئه‌حمه‌دخانی كوڕی ئه‌میركه‌بیر، مردووه‌ كه‌ ئه‌و وا بۆی ده‌گریێت.
ئه‌وجا له‌ ئه‌میر نزیك بۆوه‌ و پێی وت: گریانی به‌مشێوه‌یه‌، بۆ دوو منداڵی شیرخۆر، له‌ جه‌نابتان ناوه‌شێته‌وه‌.
ئه‌میر سه‌ری به‌رز كرده‌وه‌ و به‌ تووڕه‌یی سه‌یری كرد. فرمێسكه‌كانی سڕیه‌وه‌ و وتی: بێده‌نگ به‌. تا ئه‌وكاته‌ی ئێمه‌ سه‌رپه‌رشتیی ئه‌و خه‌ڵكه‌مان له‌ ئه‌ستۆدایه‌، له‌ مه‌رگیشیان به‌رپرسیارین.
میرزا ئاقاخان، به‌ هێواشی وتی: به‌ڵام ئه‌وانه‌، له‌ نه‌زانی خۆیان، منداڵه‌كانیان نه‌كوتاوه‌. ئه‌میر كه‌بیر به‌ ده‌نگێكی به‌رز وتی: له‌ نه‌زانینیشیان، هه‌ر ئێمه‌ به‌رپرسارین. ئه‌گه‌ر ئێمه‌ له‌ هه‌ر گوند و كۆڵان و شه‌قامێك، قوتابخانه‌ ئاوا بكه‌ین و په‌رتووكخانه‌ دابمه‌زرێنین، دوعانووس و فاڵچییه‌كان به‌زمه‌كه‌یان كۆ ده‌كه‌نه‌وه‌. هه‌موو ئێرانییه‌ك، منداڵی راسته‌قینه‌ی منن و من له‌به‌ر ئه‌وه‌ ده‌گریێم، كه‌ بۆ ده‌بێت ئه‌و خه‌ڵكه‌ هێنده‌ نه‌زان بن، كه‌ به‌هۆی نه‌كوتان له‌ دژی خوریكه‌، بمرن.


Renas
Admin

Posts : 97
Kurd-Medicine : 110000321
Kurd-Medicine : 0
Join date : 2010-04-15
Age : 7
Location : Slemani

View user profile http://kurdmedicine.darkbb.com

Back to top Go down

View previous topic View next topic Back to top


 
Permissions in this forum:
You cannot reply to topics in this forum